ମହାଜନ ଚୋର
ମୂଲିଆ
ତା’ର
ବା କି ଜାତି ଅଛି?
ମୂଲ
ଲାଗିଲେ ପେଟ ପୋଷେ
ମୂଲ
ନଥିଲେ ଉପାସ ।
ମୁଁ
ବି ଗୋଟେ ମୂଲିଆ,
ମହାଜନର
ମୂଲ ଲାଗିଲି
ଝାଲ
ବୁହାଇଲି
ମେହନତ
କଲି
ହେଲେ
ମିଳିଲାନି ମୂଲ ।
ଦିନ,
ସପ୍ତାହ, ମାସ
ଏମିତି
ବିତିଲା ନଅ ମାସ ।
ଏ
ଭିତରେ କିନ୍ତୁ
ନେପୁରୀ,
ଝୁମୁରୀ, ମାଳତୀ, ତୁଳସା
ସମସ୍ତେ
ପିଲା ଜନ୍ମ କରିସାରିଲେଣି
ନଅ
ମାସର ଗର୍ଭରୁ ପିଲା ଖେଳିଲାଣି
ହେଲେ
ମିଳିଲାନି ମୂଲ ।
ମହାଜନ
ଫେରାର
ମୁଁ
ଫେରାଦ ହେଲେ ଶୁଣିବ କିଏ?
ସରକାର
କହୁଛନ୍ତି
ମହାଜନଟା
ଗୋଟେ ଚୋର ।
ଖାଲି
ମୋ ମୂଲ ନୁହେଁ
ଆଉ
କେତେ ମୂଲିଆଙ୍କ ମୂଲ
ଝାଳବୁହା
ଟଙ୍କା ଖାଇଛି ସେ ।
ଅଦାଲତ,
ପୋଲିସ ଖୋଜୁଛି ତାକୁ
ହେଲେ
ସେ କୁଆଡ଼େ ଛୁ ।
ମତେ
ଏବେ ଅଦାଲତ ପଚାରୁଛି
ତୁ
ସତରେ ମୂଲ ଲାଗିଥିଲୁ?
ଏ
କଥାର ପ୍ରମାଣ ଦେବାକୁ କଣ ଦେବି ଉତ୍ତର?
ଶଳା
ମହାଜନଟା ତ ଚୋର ।
©
ଫକୀର ମୋହନ ନାହାକ
(2013
ମସିହାରେ ଜଣେ ଚୋର ମହାଜନକୁ ପୋଲିସ ଖୋଜୁଥିଲା ବେଳେ, ଏ କବିତା ଲେଖା ଯାଇଥିଲା । ମହାଜନ ଏବେ ପୋଲିସ ହାତରେ । ଜେଲରେ ଖାଇ ପିଇ ଅଛି । ଲୋକେ ଜେଲ୍ ଗଲେ ଚିନ୍ତାରେ ସଢ଼ି ଯାଆନ୍ତି, ଇଏ କିନ୍ତୁ
ଦିନକୁ ଦିନ ଡଉଲ ଡାଉଲ ଦିଶୁଛି । ବେଳେ ବେଳେ ପଦାକୁ ଆସିଲେ ଅଲାଜୁକ ମୁହଁରେ କ୍ୟାମେରା ଆଗରେ
ଗପୁଛି । ପୁଅ ଜେଲରେ ଅଏସ୍ କରୁଛି)
